香港嬰幼兒睡眠顧問 Jovial Sleepers

 

正所謂BB瞓得好，爸媽小煩惱👏🏻 但BB瞓唔好，爸媽都冇好既睡眠質素🤯 母乳姑娘我相信大家都聽得多啦，唔知大家又有冇聽過嬰幼兒睡眠顧問呢？雖然比較陌生，但對媽媽黎講都好重要，好多媽媽都會經歷BB瞓得唔好既問題🥱 而嬰幼兒睡眠顧問就會提供建議幫助。

啤梨仔目前已滿7個月大，一直全埋身母乳餵哺🤱🏻 可能埋身充滿住媽媽熟悉既味道，實在令佢覺得太有安全感啦，慢慢形成奶睡習慣，每晚10點左右飲完奶哄睡後，到凌晨1點、3點、5點總要醒一醒，準時過鬧鐘⏰💥 因為未識自行入睡，必須比奶佢啜幾啖後等佢瞓返，但長遠落去會影響到媽媽睡眠不足🥱

直到我認識Jovial Sleepers嘅顧問Cheryl，得知佢完成咗英國政府認證嘅嬰幼兒睡眠顧問課程，就尋求佢幫忙徵詢下意見🙌🏻 而個過程係電話諮詢📞

首先要分享啤梨仔24小時作息時間比Cheryl知道，包括幾點起身、午睡、夜晚瞓覺💤。而啤梨仔係around 9-10am起床、下午1pm第一場午睡(通常2:30醒)、5:30第二場午覺(7點醒)，9:30pm就瞓覺😴 但凌晨依然每2hours左右就醒，未學會自行入睡😣

聽完時間表後Cheryl會再問詳細，例如日間瞓得好唔好？半夜起身點樣氹番佢瞓？從而幫忙分析。然後我得知7個月大BB既日間活動時間係每2-3hours就要午睡，啤梨仔早上同夜晚兩轉時間都係4小時就過長了，建議我逐日試提早半個鐘，等佢喺日頭有充足睡眠，瞓得好對腦部發展都好啲🧠

而半夜起身呢個問題就建議我用返睡前儀式，或者嘗試搵吓爸爸幫手哄睡，等佢唔好太過倚賴媽媽嘅味道去幫助入睡，不過佢呢個習慣都已經一段時間，並唔可以一時三刻改善，要媽媽同BB一齊努力👩‍👦

今次諮詢完既一個星期後Cheryl會再跟進個case，睇吓BB瞓覺個情況有冇改善到。而啤梨仔都有進步，而家已經唔需要奶睡，用返睡前儀式已經可以再瞓著返。

希望喺繼續努力之下會再有更大改善，令到我同啤梨仔都有覺好瞓啦💪🏻

Jovial Sleepers instagram : @jovialsleepers

#jovialsleepers #babysleep #sleeptraining #sleepconsultant #sleepcoach #嬰幼兒睡眠顧問 

啤梨媽小分享: 樂扉寶寶米餅🍘

 

睇下啤梨仔收到零食個樣幾開心😀（如果佢加固都係咁開心就好☹️⋯）我好小比零食佢，但總要有盒傍下身😂

覺得樂扉呢隻米餅幾好👍🏻 低鈉、採用有機材料，made in taiwan👏🏻

今次比啤梨仔嘗試菠菜味，佢另外仲有六種口味（南瓜🎃、蘋果🍎、香蕉🍌、紫米🍚等等）都係超低鈉🧂 下次試下蘋果同佢至愛既香蕉先）

Btw呢款米餅佢唔係一片片，而係一條條〰️ (應該叫米條先岩😂）對岩岩開始接觸Finger food既BB有啲難度🤣🤣

啤梨仔最初開始食個時成日用個肥小手拳頭👊🏻包住粒餅仔，要我協助佢食🤣

我係喺HKTVmall買，一盒$45，入面四小包(10g)，都好抵食，會再買🤩

🍐啤梨仔加固小分享、從BLW到TW

 

啤梨仔加固左一個月多了，喺加固前經常幻想佢食嘢津津有味嘅樣子🤤 點知佢唔係吃貨BB....而係練仙🧚🏻🤦🏻‍♀️ 作為媽媽，我終於體會到其他唔鐘意加固BB’s 媽媽嘅感受🙍🏻‍♀️ 好想佢可以食多啲好味既食物，記得不同食物嘅味道🍽

一開始未確定好佢適合進行BLW🖐🏻定TW🥣加固，若果進行TW就比較辛苦再嘗試BLW，於是就從BLW開始，但啤梨仔進行BLW一段時間，每逢佢用手摸到食物就會大喊兼發脾氣😖 （應該係好小接觸呢種觸感覺得不知所措吧？）著飯衣會大吵發嬲，整整一個月咁既情況之下令媽媽我都感到壓力⋯

再者啤梨仔已經厭奶只肯飲小量人奶（全人奶小食多餐中），又唔食又唔飲，實在擔心佢營養方面攝取唔夠（尤其鐵質）後來有次返娘家休息喺婆婆幫手照顧下，啤梨仔就正式轉左TW🥣

轉左TW形式加固後，啤梨仔終於唔再喺加固時間大喊發脾氣，每逢匙羹係嘴仔前就會主動張大嘴巴，(睇下圖三佢食嘢個樣幾開心) 雖然佢每一餐都食得好小🤏🏻（食一半都無之後餵既就會吐返出嚟）不過見到佢肯食媽媽都感到安慰了🥺 

我自己唔想比太大壓力自己同啤梨仔，既然佢唔願意BLW就選擇TW吧🥄  TW+FF(finger food)都可以好有樂趣🙌🏻 

我覺得無論選擇邊個方式，BLW又好TW又好，最終目標都係希望BB鐘意食嘢、明白食嘢既樂趣，而媽咪嘅心態都好重要，過份堅持會比到壓力BB而適得其反。

每個BB都有適合自己嘅方法， 最緊要係BB開心，假使真係想知道BB適合BLW定TW，我建議試左BLW先，即使發現到自己心情或BB唔太合適，再改轉行TW食糊仔。

啤梨仔目前滿7️⃣個月大，已嘗試食物：

香蕉✅ 菜心✅ 南瓜✅ 紅蘿蔔✅ 蕃薯✅ 牛油果✅ 蘋果✅ 哈蜜瓜✅ 白米✅ 燕麥✅ 蕃茄✅ 火龍果✅ 蛋黃✅ 青瓜✅ 准山✅ 薯仔✅ 四季豆✅ 菠菜✅ 西蘭花✅ 藍莓✅ 車厘子✅ 三文魚（新嘗試中）

關於啤梨仔嘅生日趣事一則🎂

啤梨仔嘅細姨姨喺5月14日喺群組度話我哋知發咗個夢，個夢話啤梨仔會喺6月15日出世，佢仲話夢見係割腹產🤰🏻 一心諗住順產嘅我梗係唔想佢發嘅係預知夢啦😂 

後來到6月14號嘅凌晨，我feel到好似羊水穿咗🌚🐑 嗰時都未到15號，不過我就真係同細姨嘅夢個日期好接近，不過如果係15號嘅話嗰時我心諗咪要有排痛🤪

結果我喺醫院度痛左30幾個鐘🤦🏻‍♀️ 喺15號嘅早上屙咗啤梨仔出嚟😀 真係有冇咁準呀🌚👍🏻 嗰時喺醫院痛左咁耐真係有諗過開刀算啦，不過都好彩係順產🍐✨✨✨

對抗惱人口水疹👿👿

 

啤梨仔滿左四個月就開始不停流口水🤤 之前都有食手指習慣不過就未食到成嘴口水既情況發生。

但一滿四個月左右就發現佢食手指食到嘴角紅左一忽！😖 見好多媽媽介紹加洲寶寶就買左細盒試吓work唔work先。

佢食手指食到嘴邊紅左我就會幫佢抹乾淨口水再搽加洲寶寶，通常半個鐘內就會退紅，再勤力啲搽兩三日就會好返，覺得呢隻cream都真係好犀利👏🏻

最近唔知係咪天氣凍左，加上啤梨仔既口腔期到高峰時期，再爆第二次口水疹，就算幾勤力搽加洲寶寶都 完 全 無 效！！😱 雖然知對佢黎講係無咩感覺，但身為呀媽睇到佢半個面紅左真係好肉赤😫

上網查過建議用熟溫水濕紗巾抹完口水再搽凡士林，自問已經好勤力，但啤梨仔塊面用呢個方法搽左個幾星期都係唔得，仲要紅既範圍多左，原本只有左邊嘴角變到右邊嘴角、下爬同頸都係口水疹⋯😭

立即要轉藥膏，呢次試左日本隻無比膏，平平地係萬寧賣30幾蚊一支。開頭搽幾次見有退紅，不過唔知點解搽多左又無效😥

再試Ezerra熊仔膏，見話好多醫生開呢隻藥膏，不過價錢就貴啲（HKTVmall仲賣成200幾蚊支）佢偏乾身唔油膩感覺搽完舒服啲，但真係唔係每個bb都適合，搽左四五日都係完全無效⋯😣（好彩係買咗試用裝😅）

後來醒起之前自己皮膚敏感時用過既萬秀雷敦AD cream，check過冇類固醇就試下搽係嚴重啲嘅左邊嘴角。

出乎意料地搽左一次AD cream後就好快退紅！😳 之後搽埋另一邊同下爬都好快退紅，搽第二日仲要冇埋啲粒粒！🥳

不過自己就形住隻AD cream唔係專for bb，就再買左Mustela隻for濕疹用嘅balm（佢另外仲有支cream，但因為12月天氣又凍又乾燥就買咗呢支潤啲） 通常搽完萬秀雷敦AD cream退左紅我就會轉用Mustela呢支。

依加我嘅做法係用熟溫水抹乾淨先，再keep住搽Mustela支balm，暫時都見效，啲粒粒都消失左，皮膚變返平滑🤩

Anyway 試左咁多款，真係唔係隻隻藥膏都夾倒BB，同埋又學到野，原來轉天氣都會影響到🤔

口水疹係啤梨仔正式加固後嘅情況有好轉到，希望佢嘅面仔唔好再爆到紅卜卜啦！！🙌🏻