☁️☁️☁️☁️☁️
🍐啤梨五個幾月啦，做個小記錄分享吓佢目前為止既玩具🥳
健身架 - 呢個係第一個比啤梨嘅大型玩具（算大型掛🤣）Yookidoo既健身架，有三種玩法可以俯臥/趴/挨住。喺佢第三個月嘅時候開始俾佢玩，不過最開頭冇咩反應，三個半月開始睇嘢清楚啲就開始用手摸吓前邊啲玩具，不過啤梨唔鍾意訓同趴喺度玩，佢鍾意挨住坐喺度用手去撥啲玩具。前面四件玩具都可以拆出嚟，有一個發聲公仔，兩個手搖鈴、鏡，整體上我都覺得幾抵玩。
咬咬巾 - 網路上話係哄睡好物，不過對啤梨來講完全冇用🌚買過兩款俾佢一樣😅好羨慕其他媽媽話買咗俾BB之後會摸着條手巾之後就自然瞓覺🤣
布書 - 通常都會幻想BB好好學咁樣望同揭本書，但係實質上係不停咬🤣我都係建議要買七彩顏色既，啤梨會好專注咁望，之前試過買黑白色嘅卡仔但係佢一般般。
小音樂琴/手搖鈴 - 琴仔啤梨感興趣，啲燈光會閃下閃下吸引到佢注意。後者買過唔同質感嘅手搖鈴比佢反應都一般般，其實主要都係因為佢鍾意放入口多過真係玩🤣
踢踢琴 - 掛咗係床度不過好少玩😅有時早上會俾佢踢下，唔知係咪因為玩左呢個，佢而家隻腳超級大力，依家比較鍾意睇阿媽塊面多啲。🤣等遲啲佢識坐嗰時就可以放喺地下比佢玩。
OBall/七彩固齒器(?) - Oball我買咗大款，入面有流珠設計，可能佢好鍾意聽呢隻聲，暫時反應都唔錯，而兩個玩具都因為設計好方便BB嘅手仔拎起，啤梨兩個都好鍾意，有時會攞起嚟Fing下，後者佢超鍾意成日擺入口。
餐椅玩具 - 如果想安靜食飯我就會比呢個佢玩🤣玩左呢個之後喺大人食飯時間扭計少咗，暫時玩左幾個星期，見到不停轉佢都玩得好過癮🤣
Vtech巴士/Combi熊仔 - 前者仲未識得玩，不過聽到啲音樂會手腳彈下彈下幾開心。而Combi熊仔我就覺得好實用，佢有三個功能（1）哄睡：每一晚瞓覺我就會用呢個模式，之後拍拍佢就會瞓着啦。（2）英文兒歌：按一下就會有兒歌播，公仔仲會跟着音樂搖頭。（3）互動發聲：你講一句之後公仔又會跟住講一模一樣嘅說話。不過呢個公仔暫時玩左五個幾月開始壞壞地，唔知係我唔好彩定本身唔襟玩😅
以上就係啤梨嘅玩具小分享🌟
雖然玩具都會影響到小朋友嘅發展，適當嘅時機用適當嘅玩具，我覺得佢哋玩玩具嘅過程當中嘅成功感好重要。
不過總括而言，佢都係最鍾意同我玩，媽媽嘅聲音同肢體互動先會令BB最開心💕
沒有留言:
張貼留言