我五個月大嘅啤梨仔到咗每個BB必經嘅口腔期，見到咩都塞入個口。
佢本身貪新忘舊，本來用開嘅牙膠已經咬到厭晒，近排開始用手去拎其他嘢黎咬。
啤梨仔係第三個月時開始口腔探索期，於是我開始比牙膠佢用。
佢第一個牙膠係香蕉型🍌牙膠， 作為新手媽媽嘅我見到其他媽媽推介就買黎試吓，結果啤梨非常鍾意。
呢款香蕉型牙膠旁邊兩片蕉皮係防止BB塞得太入，不過初期BB個口腔仲細，有時都會俾佢塞到想作嘔咁😅
見佢咬得咁開心，阿媽我又去買咗第二個牙膠比佢，今次係彩色多環形牙膠。
呢個款又係好多媽媽都推薦嘅，呢個設計好適合BB既小手，好容易拎住，但好難伸入口，搞到啤梨有時會咬到發脾氣😅
到五個月高峰時期佢咩都放入口，佢見到附近有咩就會伸個頭去咬🤣
當我比番條香蕉佢咬啦，點知呢條友仔咬到厭左，又要去買過個新嘅。之後就買咗西瓜型牙膠同涼感牙膠。
意外地呢兩款佢暫時玩左一段時間都未厭，呢兩個款有個共通點就係設計都係平面，可能啤梨偏向鍾意咬呢個類型嘅牙膠吧（？）
呢四款佢最鍾意係價錢最平嗰隻涼感牙膠，所以話價錢貴嘅嘢未必係最好🤣只有適唔適合BB姐～
沒有留言:
張貼留言